Geađgejuolgi, čáhcebohcci ja ravdageađggit geaidnoguora.
Govva: Kristin Melkild Avset, Finnmárkku fylkkagielda.
Nu gohčoduvvon Gammelvegen huksejuvvui gaskal jagiid 1905 ja 1910 Øksfjordbotnis, ja lea 1,3 kilomehtera guhku. Leat divodan geainnu, mii orru das dološ geaidnohuksejeaddjiid garra barggu muitun.
Práktihkalaš dieđut
Práktihkalaš dieđut
Rabasáiggit
Álo rabas
Biilaguođáhat
Fylkkageainnu 882 guora lea biilaguođáhat ja diehtotávval.
Hivsset
Ii
Mo beassat dohko
Mohkas E6:as fylkkageidnui 882 Lákkovuonas, das lea 14 km Øksfjordbotnii.
Beasatlašvuohta
Beasatlašvuohta
Vázzinbálgá lea viiddis čievraluodda, mas heive bures fierahit ja sihkkelastit. Luodda lea 1,3 km guhku.
Geaidnogaska lea maŋimuš bázahas geainnus mii manai gaskal Dáhpeluovtta Álttás ja Øksfjordbotna ja huksejuvvui álggogeahčen 1900-logu. Geaidnu huksejuvvui measta dušše giehtafámuin ja gárvánii viđa jagis. Lei oassin stuorát geaidnorusttegis mii manai alážiid rastá – Návuonas Álttá Lákkovutnii, oktavuođain oarjjás Ákšovutnii.
Geaidnu Øksfjordbotnis lea huksejuvvon nu gohčoduvvon “chaussé” prinsihpa vuođul, mii mearkkaša ahte geaidnu mohkkasaddá vai ii šattaše menddo ceakkus. Muvrra, ravdageđggiid, čáhcegári heasttaide, báikki gos vižže čievrra ja iešalddis luotta leat bisuhan seamma hámis go huksejuvvui. Lea okta dain buoremus seailluhuvvon dákkárlágan geaidnogaskkain riikkas. Geaidnu ráfáiduvvui kulturmuitolága olis jagi 2009.
