Forsøl, Hámmerfeasta. Govva: Marthe Nyvoll
Fotefar mot nord lea prošeakta mii gaskkusta ja láhčá diliid kulturmuittuide ja dat álggahuvvui 1992:s. Fotefar lea ofelaš 10 000 jagi historjái Davvi-Norggas ja Namdalenis Davvi-Trøndelágas. Olles riikka 103 suohkana (1992:s) láhče diliid kulturmuittuide dahje kulturbirrasiidda, nu go kulturbálgáid, galbbaid dahje čájáhusaid. Dasa lassin ráhkaduvvui gihpa historjjálaš sisdoaluin juohke prošeavtta birra. Čakčat 2003:s almmuhuvvui girji Fotefar mot nord – en kulturhistorisk reise i Nord-Norge og Namdalen. Dát girji atná daid gihppagiid vuolggasadjin.
Fotefar mot nord boahtá dan stuora kulturprográmmas Davvi-Norgga ja Davvi-Trøndelága riikkaoasselávdegotti 1988–94 ovddas. Prošeavtta ulbmil lei ovdanbuktit čađačuhpposa Davvi-Norgga kulturhistorjjás fysalaš muittuid ja objeavttaid bokte. Barggu koordinerejedje dalá njeallje fylkasuohkana, ja sihke suohkanat, museat, báikkálaš historihkkárat ja historjásearvvit, ja ovttaskasolbmot oassálaste maid dasa.
Cuoŋománus 2021 álggahuvvui ovdaprošeakta ealáskahttit Fotefar mot nord ja sihkkarastit doaimma. Ovdaprošeavtta jođiha Nordlándda fylkkasuohkan, ja das lea bargojoavku ja stivrenjoavku mas leat mielde miellahtut dain guoskevaš fylkasuohkaniin ja Sámedikkis. Ovdaprošeakta lea ovttasbargoprošeakta mas Trøndelága, Nordlánda ja Romsa ja Finnmárku fylkkasuohkanat ja Sámediggi ja Riikaantikvára leat mielde. 2024 rájes 2027 rádjái lea mis maid doarjja Árktalaš 2030 bokte.