2026:s lea 200 jagi áigi go ruvkedoaibma álggahuvvui Gávvuonas, mii lea okta Davvi-Norgga deháleamos industriijahistorjjálaš huksehus. Ávvudeapmi boahtá čalmmustahttit Gávvuona veaikeruvkkiid mearkkašumi guovllu ovdáneapmái, sihke bargosadjin, teknologalaš ovdavázzin ja kulturhistorjjálaš deaivvadanbáikin.
Govva: Áltá musea
Ávvujagi mielde plánejuvvojit iešguđetlágan lágideamit ja gaskkustandoaibmabijut mat galget čalmmustahttit ruvkedoaimma historjjá, daid olbmuid heat barge doppe ja daid luottaid maid doaibma lea guođđán báikegoddái. Ulbmil lea dahkat historjjá olámuddui sihke báikegoddái ja gussiide.
Gávvuona veaikeruvkket leat dál dehálaš kulturmuitu ja bivnnuhis galledanbáiki, ja 200-jagiávvudeapmi addá erenoamáš vejolašvuođa ávvudit ja viidásitgaskkustit dán oasi Norgga industriijahistorjjás. Dat leat Álttá historjásearvi ja Álttá musea mat ovttasbarget dáinna čalmmustemiin. Álttá museas sáhttá dál geahččat ja oahppat Gávvuona veaikeruvkkiid birra go dat lea oassin sin fásta čájáhusas.