Govva: Kristin Foosnæs, Finnmark fylkeskomune
Honningsvåg geainnuid mielde vánddardettiin beasat oaidnit ođđasishuksenmálle mii lei dábálaš maŋŋá 2. máilmmisoađi go gávpogiid ja giliid ođđasit huksejedje.
Práktihkalaš dieđut
Práktihkalaš dieđut
Rabasáiggit
Álo olámuttos
Fálaldagat
Honningsvåg guovddážis leat hoteallat, boradanbáikkit ja vejolaš guođđit biilla.
Mo beassat dohko
Biillain, girdiin dahje Hurtigruten mielde.
Beasatlašvuohta
Beasatlašvuohta
Gávpotgeainnut leat beasatlaččat geasset, ja mánáide heivvolaš.
Ođđasishuksengávpoga vánddardit
Honningsvåg gávpoga otná huksehusain ii leat go 80 jahkásaš historjá, nugo eanáš Davvi-Romssa ja Finnmárkku gávpogat ja gilážat. Dušše girku lei báhcán go duiska vuollásteaddjit guđđe báikki jahkemolsumis 1944/1945. Bolde visot huksehusaid muđui ja álbmot šattai bággoeváhkkui.
Huksenárbevieruid luottat máŋga čuđiid jagi čađa jávke álfárot. Ođđasishuksen soađi maŋŋá buvttii báikái áibbas ođđa hámi. Huksehus viessobázahusaid alde lea fysalaš boađus álbmoga ja eisseválddiid oktasaš rahčamušas cegget riikaoasi fas.
Honningsvåg lea buori muddui bisuhan ođđasishuksema erenoamášvuođa, ja lea njuolgut boađus «Brente steders regulering (BSR)» muddenplánas jagi 1947 («buollán báikkiid mudden»). Moatti jagis ceggejedje viesuid measta buot guovlluide mat ledje olámuttos.
Gávpogis váccidettiin sáhtát oaidnit earret eará ráfáidahtton bálvalusstašuvnnaid gohpi guora, ráđđeviesu ja turnhálla bokte, ja nu gohčoduvvon «premiehus» (vuoitoviesuid) Klubbena viesuid gaskka.
Sáhtát maid oahppat lasi Honningsvåg ođđasishuksema birra Nordkappmuseas, mii lea gávpoga guovddážis.
